د چارچووڤێ بزاڤێن زانكۆیا زاخۆ بۆ پشتگیرییا پێشڤەچوونێن ئەکادیمی یێ ستافێ ئەکادیمی، سێ مامۆستایێن زانكۆیا زاخۆ پشکداری د خۆلەکا فێركاری یا کارسازی و ڕاهێنانا قوتابیان دا کرن
ئەڤ خۆلە ژلایێ "CoCreateMyCity KRI"  حکومەتا شاهنشینا هولەندی ب هەڤکاری لگەل ڕێکخراوا Wedo Consultiq  ل ڕۆژێن (٢٧ هەتا ٢٩)ـی نیسانا (٢٠٢٥) هاتە ئەنجامدان. تێدا ڕێڤەبەرێن سەنتەرێن پەرەپێدانا کاری  و ستافێ ئەکادیمی ژ پێنج زانکۆێن هەرێما کوردستانێ پشکداربوون.
مامۆستایێن پشکدار ژ زانكۆیا زاخۆ:
• م. لاوەند ئیكرام محەممەد، رێڤەبەرێ سەنتەرێن پەرەپێدانا کاری (CDC).
• م. نێچیرڤان حەسەن جەوزەل، مامۆستا ل پشکا زمانی ئینگلیزی، كۆلێژا زانستێن مرۆڤایەتی.
• م. هەیمەن شەمسەدین عەلی، مامۆستایێ هاریکار ل پشکا زانستێن دارایی و بانك، كۆلیژا بازرگانی و ئابووری.
هەژیە بێژین؛ د ئەڤێ خۆلێ دا، ستافێ سەنتەرێن پەرەپێدانا کاری و ئەکادیمی ل دۆر بابەتێن گرێدایی ب کارسازیێ و ڕاهێنانا قوتابیان و ژمارەیەکا چالاکی و ئەزموون و ڕاهێنانێن پراکتیکی ئەنجامدان. هزرێن کارسازی یێن سەردەم و پێشکەفتی ژلایێ کارسازێ ناڤدەولەتی پروفێسۆر (Vin Morar( هاتنە پێشکێشکرن. پشکدار هاتنە ڕاهێنانکرن کۆ پەیوەندیێن کاری دناڤبەرا زانکۆیێ و کومپانیێن بازرگانی ئاڤا بکەن، داکو هەردۆک ئالی مفاداربن ب لێکـگۆهارتنا هزر و زانست و هاریکاریێ. 
زێدەباری ڤێ چەندێ، وانەیێن تێروتەسەل ل سەر بابەتێن ڤەکرنا پرۆژێن بچیک و نڤیسینا پرۆپۆزالان و هەلسەنگاندن و ئاموژگاریکرنا کاران و کومپانییان هاتنە گوتن. 
ئەڤ پشکداریکرنە پێنگاڤەکا گرنگە بۆ دەستپێکرنا هژمارەکا چالاکی و خۆلێن ڕاهێنانێ بۆ قوتابی و مامۆستایێن زانکۆیا زاخۆ.